Қиличбозларимиз Новосибирскдаги йиғин давомида турнирда ҳам қатнашдилар

5 ноябрь куни Новосибирскда сабля бўйича анъанавий "Халқ бирдамлиги куни" очиқ чемпионати бўлиб ўтди.

Сибир қиличбозлик марказида ташкил этилган турнирда маҳаллий спортчилардан ташқари, ўзбекистонлик қиличбозлар ҳам иштирок этдилар.

Қизлар ўртасидаги баҳсларда Дайибекова Зайнаб, Исмоилова Севинч, Абдиева Дилноза ва Тоғаймурадова Шахноза каби спортчиларимиз иштирок этиб, ўз омадларини синаб кўрдилар.

Турнир якунларига кўра, вакилларимизнинг умумий рейтингдаги ўринлари қуйидагича кўриниш олди:

18 - Дайибекова Зайнаб

19- Исмоилова Севинч

22-Абдиева Дилноза

31-Тоғаймуродова Шахноза



Йигитлар ўртасидаги баҳсларда эса Душамбоев Жалолиддин, Шерзод Мамутов, Бобиржон Расулов каби спортчиларимиз иштирок этдилар.

Спортчиларимиз жангларда қуйидагича ўринларни эгалладилар:

6 - Душамбоев Жалолиддин

10 - Шерзод Мамутов

22 - Бобиржон Расулов

Йигитлар ўртасидаги жангларда 114 нафар спортчи қатнашди.