08 фев 08:02
Янгиликлар

Қиличбозлик

Қиличбозларимиздан иккинчи кунда ҳам икки медаль

Болгариянинг София шаҳрида қиличбозлик бўйича халқаро мусобақа якунланди.

Сабля йўналишида ўтган беллашувда аёллар ўртасида ғолиб ва совриндорлар аниқлаб олинди.

Қувонарлиси, ушбу кунда ҳам терма жамоамиз вакиллари иккита медалга сазовор бўлишди. Зайнаб Дайибекова ярим финалда имкониятни бой бериб, бронза медалига сазовор бўлган бўлса, Шаҳноза Тоғаймуродова кумуш медаль билан тақдирланди. Эслатиб ўтамиз, кеча йигитларимиздан Шерзод Мамутов олтин, Пазил Генжебаев бронза медалини қўлга киритишган.

Шу тариқа, жамоамиз мусобақани 1 тадан олтин ва кумуш, шунингдек, 2 та бронза медали билан якунлади. Энди спортчиларимиз навбатдаги ўқув-машғулот йиғини ва халқаро мусобақада иштирок этиш учун Грузияга жўнаб кетишади.