Қиличбозларимиздан Осиё чемпионатидаги яна бир медаль!

Бугун қизлар ўртасида қилич (сабля) йўналиши жангларида ҳамюртларимиз чорак финалда Осиёнинг кучли терма жамоаларидан бири ҳисобланган Япония терма жамоасини 45:43 ҳисобида мағлубиятга учратиб, ярим финал йўлланмасини қўлга киритдилар. Шуни алоҳида қайд этиб ўтиш лозимки, ҳисоб 38:40 кўринишида рақиблар фойдасига ҳал бўлаётган бир вақтда Зайнаб Дайибекова ўз жангида 7:3 ҳисобида ғалаба қозона олди ва жамоага ғалаба келтирди.

Финал йўлланмаси учун кечган жангда қизларимиз Жанубий Корея терма жамоасига 23:45 ҳисобида имкониятни бой бердилар ва якунда қизларимиз Осиё чемпионатининг бронза медалларини қўлга киритдилар.

Маълумот учун, Осиё чемпионатида қилич (сабля) йўналиши бўйича терма жамоамиз шарафини қуйидаги спортчиларимиз ҳимоя қилдилар:

Зайнаб Дайибекова (Қорақалпоғистон Республикаси, Нукус Олимпия захиралари коллежи ўқувчиси)

Севинч Исмоилова (Тошкент шаҳри рассомчилик коллежи ўқувчиси)

Шахноза Тоғаймуродова (Тошкент шаҳри 300-сонли мактаб ўқувчиси)

Севила Худойберганова (Чирчиқ Олимпия захиралари коллежи ўқувчиси).

Эслатиб ўтамиз, кеча йигитларимиз кадетлар ўртасидаги жангларда кумуш медални қўлга киритгандилар.