Қиличбозларимизнинг машғулот жараёнлари ва мураббий фикри ВИДЕО

Биз спортчиларимизнинг машғулот жараёнларига ташриф буюрдик. Шунингдек, рапира бўйича терма жамоамиз катта мураббийи Ирина Васильеванинг фикрлари билан қизиқдик.

"Айни пайтда қиличбозларимиз Осиё чемпионатига тайёргарлик кўрмоқдалар. Гонконгда бўлиб ўтадиган қитъа чемпионатида Ўзбекистон шарафини ҳимоя қиладиган спортчиларни Республика чемпионатида аниқлаб олдик. Ҳозирда терма жамоамиз Россияда йиғин ўтказмоқда. У ердаги Олимпия базасида Россия терма жамоаси билан бирга машғулотлар ўтказмоқдалар. У ерда Олимпиада чемпионлари билан бирга шуғулланмоқдалар. Кеча шунингдек йиғинга Австрия терма жамоаси қиличбозлари ҳам қўшилдилар.

Якшанба куни жамоа Тошкентга келади ва эртасига Осиё чемпионатида иштирок этиш учун Гонконгга учиб кетади.

Тахминлар? Медалга умид қилмоқдамиз. Лекин, олдиндан башорат қилмаймиз. Осиё чемпионати учун ишлаб чиқилган барча режалар амалга оширилди. Қониқарли натижалар кутамиз.

Осиё чемпионатида турли мамлакатлардан 80 дан ортиқ спортчи иштирок этади. У ерга Осиёнинг кучли қиличбозлари ташриф буюрадилар.

Ўзбекистондан умумий ҳисобда 11 нафар спортчи юртимиз шарафини ҳимоя қиладилар. Улар Республикамизнинг энг яхши қиличбозлари ҳисобланадилар", - дейди мураббий Ирина Анатольевна.

Видеони томоша қилиш (TAS-IX) > > > http://mytube.uz/tracks/544143.htm

YouTube'да кўриш