Қиличбозлик бўйича Ўзбекистон чемпионати старт олди

Мусобақалар регламент асосида ўтказилиб, яккалик ва жамоавий беллашувларни ўз ичига олади. 

Ўзбекистон қиличбозлик федерацияси мазкур Республика чемпионатини юқори савияда ва халқаро мусобақалар даражасида ўтказишга алоҳида эътибор қаратган. 

Мусобақада юртимизнинг турли ҳудудларидан — Қорақалпоғистон Республикаси, Тошкент шаҳри, Навоий, Бухоро, Андижон, Фарғона, Сирдарё, Тошкент вилоятларидан келган спортчилар иштирок этмоқда. Айни дақиқаларда шпагачилар ўртасида яккалик баҳслари бўлиб ўтмоқда.