Қиличбозлик. Осиё чемпионатида медаль қўлга киритдик!

Мусобақада ўзбекистонлик спортчилар ҳам иштирок этаётганликлари ҳақида хабар бериб ўтгандик. Бугун қитъа биринчилигида шпага бўйича жамоавий баҳслар бўлиб ўтди.

Қувонарлиси, бугунги беллашувларда қиличбозларимиз совриндорлар қаторидан ўрин олдилар. Спортчиларимиз илк даврада Сингапур терма жамоасини 45:39, чорак финалда эса Япония вакилларини 45:25 ҳисобида мағлуб этишди. Ярим финалда эса хитойлик рақибларга 40:45 ҳисобида имкониятни бой беришди. Шу тариқа спортчиларимиз Осиё чемпионатининг бронза медалига сазовор бўлишди.

Эслатиб ўтамиз, шпага бўйича баҳсларда терма жамоамиз шарафини Файзулла Алимов, Роман Александров, Жавоҳир Нурматов, Олег Соколовлар ҳимоя қилишди.