Қиличбозлик. Осиё чемпионатида яна бир медаль

Мусобақанинг сабля йўналишидаги жамоавий баҳсларда ёш қиличбозларимиз совриндор бўлишди.

Йигитларимиз мусобақа давомида Филиппин ва Гонконг терма жамоаларини мағлуб этишди. Афсуски, ярим финалда эса кореялик рақибларга қарши баҳс олиб борган спортчиларимиз мағлуб бўлишди ва якунда бронза медалига сазовор бўлдилар. Баҳсларда терма жамоамиз шарафини Жалолиддин Душамбоев, Фозилбек  Генжабаев, Шерзод Мамутов ва Бобир Расулов ҳимоя қилди.

Эслатиб ўтамиз, бунгача сабля йўналишининг яккалик баҳсларида Шерзод Мамутов бронза медали соҳибига айланганди.