Қиличбозлик. Спортчиларимиз ярим финалга чиқишди

Қилич (сабля) йўналишининг жамоавий баҳсларда иккинчи сараланган тўртлик сифатида иштирок этаётган кадетларимиз илк тўқнашувда Иордания терма жамоасини 45:23 ҳисобида мағлубиятга учратдилар. Энди вакилларимиз финал йўлланмаси учун қувайтлик рақибларга қарши тўқнаш келадилар.

Маълумот учун, қилич (сабля) бўйича баҳсларда терма жамоамиз шарафини тўрт нафар спортчи ҳимоя қилмоқда:

Жалолиддин Душамбоев (2002 йил) - Чирчиқ Олимия захиралари спорт коллежи тарбияланувчиси

Шерзод Мамутов - (2002 йил) - Қорақалпоғистон Республикси агро ва сув хўжалиги коллежи ўқувчиси

Пазил Генжебаев - (2003 йил) - Қорақалпоғистон Республикаси 2-сонли ихтисослаштирилган мактаб ўқувчиси

Бобир Расулов - (2002 йил) - Тошкент шаҳри, 34-сонли мактаб ўқувчиси.

Ҳамюртларимиз ярим финалда Қувайтни мағлубиятга учрата олсалар, финалда Жанубий Корея - Япония учрашуви ғолибига қарши кураш олиб борадилар.