Қиличбозлик. Зайнаб Дайибекова Осиё чемпионатининг олтин медалини қўлга киритди!

Плей-офф босқичида иккинчи сараланган спортчи сифатида ҳаракат қилган Дайибекова саралашда Вьетнам, Хитой, Австралия вакилларини, ярим финалда ҳиндистонлик Бхавани Чадалавадани, финалда эса уч карра жаҳон чемпионати совриндори, Токио-2020 Олимпиадаси бронза медали соҳиби жанубий кореялик Жису Юнни мағлубиятга учратди. 

Бу қорақалпоғистонлик спортчининг катталар ўртасидаги Осиё чемпионатларида қўлга киритган биринчи олтин медали ҳисобланади.