Қирол яна тахтга қайтади. Медведев рейтинг пешқадамлигини Жоковичга бой берди

Россиялик теннис устаси кеча Индиан-Уэллс "Мастерс" турнирининг учинчи даврасида француз Гаэль Монфисга имкониятни бой бериб қўйган эди. Бу эса унинг пешқадамликни Новак Жоковичга топшириши учун етарли бўлди. 

Мусобақаларда иштирок эта олмаётганига қарамай, Новак Жокович яна тахтга қайтади. Келаси душанба куни эълон қилинадиган янгиланган рейтингда сербиялик юлдуз биринчи ўринга кўтарилиб олади. Медведев карвонбошилигини сақлаю қолиши учун Калифорнияда камида чорак финалга етиб келиши лозим эди.