Қишки Осиё ўйинлари Қозоғистонда трансляция қилиниши аниқ бўлди, Ўзбекистондачи?

Кеча Қозоғистоннинг Qazsport телеканали мусобақани намойиш қилиш ҳуқуқини қўлга киритгани ҳақида маълум қилди.

Olamsport.com'га маълум бўлишича, Ўзбекистон миллий телерадиокомпанияси (МТРК) мазкур комплекс турнирдан трансляция амалга оширмайди. МТРК қошида "Футбол ТВ" ташкил этилганидан кейин "Спорт" телеканалида бошқа спорт турларига оид мусобақалар намойиши кўпайиши тахмин қилинганди, бироқ ҳозирча бу амалга ошганича йўқ.

Аввалроқ айтилганидек, бу Ўзбекистон учун ўз тарихидаги энг кўп иштирокчи билан қатнашиладиган қишки Осиё ўйинларига айланиши эҳтимоли юқори. Очиқ маълумотларга кўра, мамлакат МОҚ шу пайтгача ўтказилган ўйинлагда 11 нафардан кўп спортчи билан бормаган, Харбин-2025 учун эса 26 нафар спортчи рўйхатдан ўтказилган.

Эслатиб ўтамиз, сўнгги, VIII қишки Осиё ўйинлари 2017 йилда Япониянинг Саппоро ва Обихиро шаҳарларида ўтказилган ва унда Ўзбекистондан фақатгина фигурали учувчи Миша Ге қатнашганди.