17 июн 13:38
Янгиликлар

Бокс/ММА

"Қитъалар жанги". Ўзбек боксчилари Америка жамоасига қарши рингга кўтариладилар

Россия Федерацияси пойтахти Москва шаҳрида бокс бўйича "Қитъалар жанги" халқаро турнири ўтказилмоқда.

Мусобақада мураббий Равшан Ходжаев бошчилигида Осиё терма жамоаси сафида уч нафар боксчимиз Бобоусмон Батуров, Одилжон Аслонов ва Мадияр Саидраҳимов баҳсларда иштирок этмоқда.

Бунгача Африка ва Россия терма жамоаларига қарши жанг қилган боксчиларимиз, учинчи турда Америка қитъаси боксчиларига қарши рингга кўтариладилар. Эртанги жанг олдидан боксчилар вазн ўлчаш маросимида иштирок этишди.

18 июнь куни қуйидаги тўқнашувлар гувоҳига айланишимиз мумкин:

-63 кг: Баҳодур Усмонов (Тожикистон) – Андрес Гарсиа (Колумбия);

-68 кг: Бобо-Усмон Батуров (Ўзбекистон) – Йоелис Лейл Молина (Куба);

-75 кг: Сапарбай Айдаров (Қозоғистон) - Адриан Перес (Колумбия);

-80 кг: Одилжон Аслонов (Ўзбекистон) – Карлос Гальван (Боливия);

-92 кг: Мадияр Саидраҳимов (Ўзбекистон) – Антонио Оклес (Эквадор).