26 апр 16:50
Янгиликлар

Дзюдо

Қизларимиз ҳам жаҳон чемпионатига тайёргарликнинг сўнгги босқичини бошлашди ФОТОРЕПОРТАЖ

Хабарингиз бор, 7-14 май кунлари Қатар пойтахти Доҳа шаҳрида дзюдо бўйича катталар ўртасидаги 36-жаҳон чемпионати бўлиб ўтади.

Йилнинг энг нуфузли мусобақасида иштирок этадиган Ўзбекистон аёллар терма жамоаси ҳам Тошкент шаҳрида ўқув-машғулот йиғинига киришди. Пойтахтдаги йиғин 5 майга қадар давом этади. Ушбу йиғин тайёргарликнинг сўнгги босқичи ҳисобланади.

Ҳозиргача жаҳон чемпионатида қатнашиш истагини 5 қитъанинг 97 давлатидан жами 643 (335 эркак, 308 аёл) нафар дзюдоси билдирган. Улар сафида Ўзбекистон терма жамоасининг 18 нафар дзюдочиси ҳам бор.

Маълумот учун, Ўзбекистон эркаклар терма жамоаси Самарқандда якуний ўқув-машғулот йиғинини ўтказмоқда.