30 мар 14:11
Янгиликлар

Бошқалар

Қўл жанги усталари Тошкентда беллашмоқда

Пойтахтимиздаги “Универсал” спорт саройида қўл жанги бўйича ўсмирлар ва ёшлар ўртасида мамлакат чемпионати ўтказилмоқда.

Ўзбекистон Республикаси Жисмоний тарбия ва спорт вазирлиги, мамлакатимиз ҳуқуқни муҳофаза қилиш органлари қўл жанги федерацияси ва бир қатор ташкилотчилар томонидан ўтказилаётган чемпионатда 500 нафардан ортиқ спортчи ғолиблик учун кураш олиб бормоқда.

Чемпионатни ўтказишдан асосий мақсад – Ўзбекистон терма жамоасини маҳоратли спортчилар билан тўлдириш ва халқаро майдонларда муносиб қатнашишдир. Мусобақанинг очилиш маросимида бир қатор спортчиларга Ўзбекистон Республикаси Жисмоний тарбия ва спорт вазирлиги томонидан спорт устаси гувоҳномаси топширилди.

Мусобақанинг финал баҳслари 31 март куни бўлиб ўтади.