22 окт 07:03
Янгиликлар
Қўл жанги усталаримиз Жаҳон кубогида 15 та медаль қўлга киритишди, шундан 6 таси олтин!
Сайёрамизнинг энг кучли спортчилари иштирок этган мазкур мусобақада Ўзбекистон терма жамоаси вакиллари ҳам муносиб тарзда юртимиз шарафини ҳимоя қилишди. Мусобақада дунёнинг 26 давлатидан 200 нафар атлетлар ғолиблик учун баҳс олиб боришди.
Жаҳон кубоги якунларига кўра терма жамоамиз аъзоларидан ўз вазн тоифаларида Шоҳида Раҳимова, Мафтуна Қувондиқова, Жамшид Раҳмоналиев олтин, Жаҳонгир Жумаев, Дилмурод Ҳўжамбердиев кумуш, Амрилло Жўраев, Илёс Комилов, Фарҳод Жўраев, Муртазобек Мамашокиров бронза медалини қўлга киритишди.
Турнир давомида фахрийлар ўртасида ҳам мусобақа ташкил этилди. Унда фахрий қўл жанги усталаримиздан Ҳусан Эргашев, Баҳром Абдуллаев олтин медалга эга чиқишган бўлса, Музаффар Юсупов ўз вазнида кумуш медаль соҳибига айланди. Баҳром Муллабоев эса бронза медалини қўлга киритди. Расул Жўраев эса турли йўналишларда биринчи ва иккинчи ўринни эгаллашга муваффақ бўлди.
Якунда терма жамоамиз аъзолари 6 та олтин, 4 та кумуш, 5та бронза медаль, жами 15 та медаль билан умумжамоа ҳисобида иккинчи ўринни эгаллашди.
Фикрлар