Қозоғистон Кубоги гуруҳ босқичига қуръа ташланди. "Ҳумо" қайси жамоалар билан ўйнайди?

Бу йилги мавсумда 11 жамоа икки гуруҳга бўлинган ҳолда ғолиблик учун курашади.

Хабар берганимиздек, ушбу мусобақада Тошкентнинг "Ҳумо" клуби ҳам иштирок этади. Жамоамиз қуръа натижасига кўра "В" гуруҳидан ўрин олди. "Қанотлилар"га гуруҳда "Сариарка", "Арлан", "Горняк" ва "Иртиш" жамоалари рақиблик қилади.

Гуруҳларда биринчи ва иккинчи ўринни қўлга киритган жамоалар 1/2 финалга йўл олади.

"А" гуруҳида Pro Hockey Ligasy чемпиони "Номад", шунингдек, "Бейбарис", "Актобе", "Кулагер", "Алмати" ҳамда "Торпедо" жамоалари ғолиблик учун курашади.

"Ҳумо" гуруҳ босқичидаги илк ўйинини 23 август куни "Иртиш" жамоасига қарши ўтказади. "Қанотлилар" ўрин олган "В" гуруҳи учрашувлари Кокшетау шаҳрида бўлиб ўтади.

"Ҳумо" жамоасининг гуруҳ босқичидаги ўйинлари тақвими:

23 август

14:30 "Иртиш" - "Ҳумо"

25 август

14:30 "Ҳумо" - "Горняк"

27 август

13:00 "Ҳумо" - "Сариарка"

28 август

18:00 "Арлан" - "Ҳумо"

30 август

Ярим финал ўйинлари

13:00 B1 - A2

16:30 B2 - A1

31 август

Финал

18:00.