Қозоғистон Қишки "Универсиада-2023"даги 3-олтинини қўлга киритди

Ён қўшниларимиз кечаги баҳсларда учинчи олтин медалларини қўлга киритишди. Биатлончилар ўртасидаги 10 км масофага спринт мусобақасида Бекентай Турлубеков 27:51.5 вақт натижаси билан олтин медалга эга чиқди. У ҳар икки ўқ отиш майдончасида ҳам биронта хатога йўл қўймади. 

Чемпионга 8.3 сония вақт ютқазган америкалик Бьорн Уэстервелт кумуш, яна бир қозоғистонлик спортчи Александр Мухин эса бронза медалига сазовор бўлди. Мухин маррага жамоадошидан 22.2 сония кечроқ етиб келди ва иккита хатога йўл қўйди.

Биатлон. Эркаклар. Спринт. 10 км

1. Бекентай Турлубеков (Қозоғистон) — 27:51.5 (0+0)

2. Бьорн Уэстервелт (АҚШ) — +8.3 (1+1)

3. Александр Мухин (Қозоғистон) — +22.2 (0+2). 

Шу тариқа Қозоғистон терма жамоаси медаллар жамғариш бўйича умумжамоа ҳисобида 3-ўринга кўтарилиб олди. Япония жуда катта фарқ — 14 та олтин, 9 та кумуш, 3 та бронза медали билан карвонбошилик қиляпти. Финляндия 3 та олтин, 1 тадан кумуш ва бронза медали билан 2-ўринни банд этган.