Қозоғистон спортни бюджетдан молиялаштиришга чекловлар қўйди ва легионер спортчилар олиб келишни тақиқлади

"Қозоғистонда жисмоний тарбия ва спорт соҳасини тизимли ислоҳ қилиш давом этмоқда. 2025 йил 16 июнь куни Президент Қосим-Жомарт Токаев томонидан 2025 йилнинг 15 апрель кунида имзоланган "Қозоғистон Республикасининг айрим қонун ҳужжатларига жисмоний тарбия ва спорт масалалари бўйича ўзгартиш ва қўшимчалар киритиш тўғрисида"ги қонун кучга кирди.

Туризм ва спорт вазирлиги томонидан ишлаб чиқилган мазкур ҳужжат спорт соҳасида амалга оширилаётган кенг кўламли қонунчилик ислоҳотининг муҳим қисми бўлди.

Қонуннинг асосий қоидаларидан бири бюджет маблағларидан чет эллик спортчиларнинг иш ҳақи ва таъминоти учун фойдаланишни тақиқлашдир. Янгилик қозоғистонлик спортчиларнинг давлат томонидан қўллаб-қувватланишини тақсимлашда устуворлигини таъминлаш ва миллий спорт салоҳиятини ривожлантириш учун шароит яратишга қаратилган.

Бундан ташқари, қонунда профессионал спорт клубларини давлат томонидан молиялаштириш чегаралари белгиланган. Мазкур чора бюджет маблағлари сарфланишининг шаффофлиги ва самарадорлигини ошириш, клубларни бюджетдан ташқари молиялаштириш манбаларини ривожлантиришни рағбатлантириш, уларнинг давлат бюджетига қарамлигини камайтиришга қаратилган", дейилади вазирлик баёнотида.