Қозоғистон терма жамоасининг Токио-2020 Олимпиадаси учун экипировкаси тақдим этилди ФОТОРЕПОРТАЖ

Қозоғистонлик олимпиячилар Олимпия ўйинларига маҳаллий ҳамда хорижий ишлаб чиқарувчилар томонидан тақдим этилган либосларда йўл олишади. Ён қўшниларимизнинг Токио-2020 Олимпиадаси очилиш маросими учун махсус либослар тўплами дизайнери Salta бренди асосчиси Салтанат Баймуҳаммедова ҳисобланади. Атлетларнинг Олимпиада учун тўлиқ спорт либослари тўпламини эса Испаниянинг Joma компанияси тақдим этган.

Эътиборга молик жиҳати шундаки, Токио Олимпиадаси учун экипировкалар дизайнини танлаш спортчиларнинг ўзарига қўйиб берилди. Улар январь ойидан то шу кунгача либос материали, ундаги элементлар қандай бўлишини ўзаро муҳокама қилиб, якунда бир қарорга келишди. 

Маълумот учун, Joma бренди 55 йилдан бери спорт оламида фаолият юритиб келяпти ва айни пайтда дунёнинг 120 давлатига ўз маҳсулотларини етказиб беради. 

Қозоғистон терма жамоаси делегацияси 16 июль куни Токиога жўнаб кетади. Спортчилар Олимпиада базасидан икки ҳафталик карантинни ўтказишади.