18 янв 10:59
Янгиликлар
Бокс/ММА
Қозоғистонда UFC турнири ўтказилиши мумкинми? Менежер бу саволга жавоб берди
МДҲ мамлакатларидаги ММА жангчилари билан ҳамкорликда ишловчи менежер Саят Абдураҳмонов Қозоғистон ҳудудида UFC турнири ўтказилиши эҳтимоли ҳақида гапирди.
"Қозоғистонда UFC турнири ўтказилишига ишончим комил эмас, лекин UFC бу минтақага қайтишни хоҳлашига ишонаман. Бу йил ёки кейинги йил бизнинг ҳудудимизда нимадир ташкил қилинади. UFC учун бу бозор жуда муҳим, бу ҳудудда катта мухлислар базаси бор ва талантли жангчилар ҳам кўп. Шундай экан, UFC'нинг бу ерга қайтиши муҳим. Мен Марказий Осиё, яъни, Қозоғистон, Ўзбекистон, Тожикистон, шунингдек, Грузия ва Озарбайжон каби мамлакатларни назарда тутяпман. Бу мамлакатларнинг барчасида иқтидорли жангчилар ва иштиёқли мухлислар кўп", - деди Саят АҚШ ОАВларидан бирига берган интервюсида.
Маълумот учун, бир неча йил аввал UFC Қозоғистонда мусобақа ташкил этишни режалаштирган эди, бироқ коронавирус пандемияси туфайли барчаси бекор қилинган эди.
Ҳавола :
Манба : sports.kz
Фикрлар