Қозоғистонлик Азат Максумнинг кейинги рақиби, жанг санаси ва манзили расман эълон қилинди

30 яшар спортчи 25 октябрь куни Абу-Даби шаҳрида (БАА) ўтказиладиган UFC 321 турнири доирасида октагонга чиқади.

Унга ўша куни америкалик Митч Рапосо рақиб бўлади.

Максум фаолияти давомида 17 та жанг ўтказиб, 15 та ғалаба ва 2 та мағлубият қайд этган. Рапосо ҳисобида эса 9 та ғалаба ва 3 та мағлубият бор.

UFC 321 турнирининг марказий жанги оғир вазн чемпиони Том Аспиналл ва даъвогар Сирил Ган ўртасида кечади.