Қозоғистонлик боксчи бирлаштирувчи чемпионлик жангида рингга чиқишга яқин

Жанибек ўз вазнида WBC чемпиони Карлос Адамесга қарши рингга чиқиши мумкин. Бу ҳақда Адамеснинг ўзи журналист Фернандо Сабатинига хабар берди. Карлос ўз хабарида Жанибек Алимханулининг жамоаси билан музокаралар деярли якунланганини айтди. Қозоқ боксчисининг ўзи ҳам тез орада ўрта вазнда яхши янгилик бўлишини маълум қилганди. 

Таъкидлаш жоиз, 32 ёшли Жанибек Алимханули анчадан бери бошқа йўналиш чемпионларини камарларни бирлаштирувчи жангга чорлаб келмоқда. У шу йилнинг апрель ойида ўз ватанида ўтказилган бокс оқшомида чемпионлик камарларини муваффақиятли ҳимоя қилганди. 

Доминиканлик 31 ёшли Карлос Адамес февраль ойида Хамза Ширазга қарши жанг ўтказиб, дуранг қайд этганди. Шираз мағлубиятсиз рекордини сақлаган бўлса-да, камар Адамесда қолганди.