04 май 18:05
Янгиликлар
Бокс/ММА
Қозоғистонлик боксчи ЖЧ-2023да баҳсли тарзда мағлубиятга учраганига муносабат билдирди
Қозоғистонлик боксчи Талгат Сиримбетов Тошкентда бўлиб ўтаётган жаҳон чемпионатидаги мағлубияти ҳақида гапирди.
"Ассалому алайкум, Қозоғистон! Афсуски, мағлуб бўлдим. Ҳакамлар қарори ҳақида ҳеч нарса дея олмайман, чунки жанг тугади. Мағлубиятимни ҳақиқий эркак каби тан оламан. Жанг тугаганидан кейин мен бошқа ҳеч нарса дея олмайман.
Телевизор экранлари олдида мени томоша қилган барча қозоғистонликлардан узр сўрайман, умидларни оқлай олмадим. Яна ҳам кучлироқ бўлиб қайтишимга ишонаман. Ғалабаларим ҳали олдинда. Ҳар қандай ҳолатда ҳам Худога минг шукур", - дейди Сиримбетов.
Эслатиб ўтамиз, қозоғистонлик боксчи Иордания вакили Моҳамед Абу-Жажега қарши рингга кўтарилиб, ҳакамларнинг қарори эвазига мағлубиятга учради. Жанг 1/16 финал босқичида бўлиб ўтди.
Ҳавола :
Манба : sports.kz
Фикрлар