11 окт 15:11
Янгиликлар

Бокс/ММА

Қозоғистонлик боксчи ўзбек рақибга қарши жангдан кейин жароҳат олгани маълум бўлди

Париж Олимпиадасининг кумуш медали соҳиби Нурбек Оралбай Осиё ўйинларида жароҳат олганини маълум қилди.

Бу ҳақда Sports.kz журналист Аслан Каженовга таяниб хабар бермоқда.

"Нурбек алоқага чиқди! Унинг айтишича, жароҳати туфайли Қозоғистон чемпионатида иштирок эта олмайди. Тўрабек билан жангда елкасини шикастлаб олган. Зарур бўлса, тиббий маълумотнома ва рентген тасвирини тақдим этишга тайёр.

Шунингдек, у 90 кг гача бўлган вазн тоифасидаги рақобатдан қочмаётганини ва ҳануз энг яхши эканини исботлаш ниятида эканини айтди.

Вазият ана шундай", — деб хабар берди журналист.