Қозоғистонлик боксчи Тайсон Фьюри билан жанг қилиши мумкин

Куни кеча қозоғистонлик Жан Кособукций WBC International камарини германиялик Хуссейн Муҳаммед билан жангда муваффақиятли ҳимоя қилган эди.

Кособуцкийнинг промоутери Исмаил Озен-Отто Жаннинг "лўлилар қироли" - Тайсон Фьюри билан жанг қилишга тайёр эканини айтди.

Муҳаммед билан жангдаги ғалабадан сўнг, Кособукций WBC рейтингида кучли бешликка кириб олди. Промоутернинг сўзларига кўра, уларнинг компанияси ташкилот президенти Маурисио Сулейман билан яхши муносабатда ва Фьюри билан жанг келгуси йилда ўтказилиши эҳтимоли мавжуд.

- Фьюри энди биздан ўтиб кета олмайди, дея қўшиб қўйган Исмаил Озен-Отто.