17 июл 08:00
Янгиликлар

Теннис

Қозоғистонлик теннисчи АҚШдаги турнирда финалга чиқди

АҚШнинг Ньюпорт шаҳрида теннис бўйича нуфузли ATP турнири давом этмоқда.

Дунёнинг 42-ракеткаси Александр Бублик бош соврин учун кортга чиқадиган бўлди. Қозоғистонлик теннисчи ярим финал учрашувида рейтингнинг 102-поғонасидан жой олган австралиялик Жейсон Каблердан ортиқча қийинчиликсиз устун келди - 6/3, 6/2.

Бу теннисчиларнинг ўзаро ўтказган илк учрашуви эди. Етмиш дақиқа давом этган баҳсда Бублик 15 та, Каблер эса 3 та эйс зарбасини амалга оширган. Бугун қозоғистонлик теннисчи Ньюпорт турнири бош соврини учун америкалик Максим Крессига қарши кортга чиқади.