Қозоғистоннинг Олимпиада-2026 байроқдорлари ким бўлади?

Конькида учувчилар Яна Хан ва Денис Никиша бир ойдан сўнг старт оладиган Қишки Олимпия ўйинларида Қозоғистон спорт делегациясининг байроқдори бўлмайди. 

"Бу маълумотлар ҳақиқатга тўғри келмайди. Ҳозирча терма жамоа тўлиқ шаклланмаган. Лицензиялар учун кураш ҳали ҳам давом этмоқда. Тўлиқ маълумот Қозоғистон Ресупбликаси Туризм ва спорт вазирлигининг расмий манбаларида эълон қилинади. Матбуот вакилларини расмий маълумотни кутишга чақирамиз", - деди Вазирлик матбуот котиби Балим Аламединова.

Эслатиб ўтамиз, аввалроқ Спорт ва жисмоний тарбия қўмитаси раиси ўринбосари Нурлан Есембаев Яна Хан ва Денис Никиша 2026 йилги қишки Олимпия ўйинлари очилишида Қозоғистон байроғини кўтаришини маълум қилганди.

Бўлажак қишки Олимпиаданинг очилиш маросими 6 февраль куни Миландаги "Сан-Сиро" стадионида бўлиб ўтади.