Қозоқ теннисчиси Hangzhou Open чемпиони!

Бу қозоғистонлик теннисчининг 2025 йилги мавсумдаги тўртинчи ATP соврини бўлди. Бублик ҳал қилувчи финал учрашувида ATP рейтингида 88-поғонада бораётган франциялик Валентен Ройени тай-брекларда мағлубиятга учратди - 7/6(4), 7/6(4). Бу теннисчиларнинг ўзаро ўтказган илк учрашуви бўлди. 

Бир соату 52 дақиқа давом этган баҳсда Бублик 21, Ройе 8 та эйс зарбасини амалга оширган. Иккала теннисчи ҳам ўз геймларида зафар қучишди ва бунинг натижасида брейк қайд этилмади. 

Александр фаолиятида қўлга киритган ATP совринлари сони 8 тага етди. Уларнинг тенг ярмига бу йилги мавсумда эга чиқди. 2025 йилда у барча қопламали турнирларда чемпион бўлди. Бублик бунгача Галледа майса, Гштаад ва Китцбюэлда қум қопламали кортга зафар қучганди.

Hangzhou Open турниридаги муваффақиятли иштирок Бубликка 250 рейтинг очкоси ҳамда 154 980 доллар мукофот пули келтирди.