Қудратилло Абдуқаҳҳоров бекор қилинган жанги ва янги рақиби ҳақида гапирди

www.olamsport.com сайти мухбири бекор қилинган тўқнашув ва янги рақиб ҳақида боксчимизнинг фикрларига қизиқди:

"13 март кунига режалаштирилган жангим бекор қилинди. Шундай бўлиши керак экан, нима ҳам дердик. Ҳавиер Флорес тиббий кўрикдан ўта олмади, балки вирус билан боғлиқдир. Аниқ сабабини билмайман, бизга фақат кўрикдан ўта олмаганини айтишди. Янги рақибим канадалик Коди Кровли бўлади. Насиб қилса, 10 апрель куни рингга кўтариламан. Кровли ҳам кучли боксчи. 19 та жанг ўтказиб, ҳаммасида ғалаба қозонган. Тайёргарликни Ҳавиер Флореснинг чапақай эканлигини инобатга олган ҳолда олиб бораётган эдик. Коди Кровли ҳам чапақай боксчи экан. Жанг бекор қилинганидан сўнг қайси боксчиларга таклиф билан чиқилганини мен билмайман. Жангга 9-10 кун қолганида ҳеч ким рози бўлмайди, вазн ташлаш, тайёргарликка улгуриш қийин. Ин Шаа Аллоҳ, ҳаракат қиляпмиз, ҳаммаси яхши бўлади", - деди Қудратилло Абдуқаҳҳоров мухбиримиз билан суҳбатда.