Қудратилло оқшомнинг марказий жангида осон ғалабага эришди

Оқшомнинг марказий жанги мағлубият нималигини билмай келаётган Қудратилло Абдуқаҳҳоров иштирокида бўлиб ўтди. WBC Silver чемпионлик камари соҳиби бўлган ҳамюртимиз Шерзод Олимжоновга қарши рингга кўтарилди.

Ўн раундга мўлжалланган ушбу жанг муддатидан анча аввал якунланди. Иккинчи раунддан сўнг Олимжоновнинг мураббийлари жангни давом эттирмасликни лозим топиб, мағлубиятни тан олишди. Бугунги жанг Қудратилло учун АҚШ сафари олдидан синов вазифасини ўтаб берди.