19 авг 17:53
Янгиликлар

Футбол

Рабьо ва Роу кийиниш хонасидаги жанжал туфайли "Марсель" машғулотларидан четлаштирилди

Футболчилар Адриен Рабьо ва Жонатан Роу жанжал боис "Марсель"нинг асосий жамоаси машғулотларидан номаълум муддатга четлаштирилди, деб хабар берди "La Provence".

Лига 1'нинг 1-турида "Ренн"дан учралган мағлубиятдан сўнг (0:1) "Марсель" клубининг кийим алмаштириш хонасида футболчилар ўртасида муштлашув келиб чиқди.

Ҳаммаси Роудан бошланди, у танқиддан ғазабланиб, Рабьога шапалоқ туширмоқчи бўлди. Ходимлар уларни ажратишдан олдин футболчилар бир-бирига зарба беришга улгурди.

"Марсель" 23 август куни Франция чемпионатининг 2-турида "Париж"га қарши майдонга тушади.