28 фев 11:53
Янгиликлар

Теннис

Рафаэль Надаль Акапулькони забт этди + ФОТО

Сайёрамизнинг бешинчи ракеткаси Рафаэль Надаль Мексиканинг Акапулько шаҳрида якунига етган турнир ғолибига айланди.

Испаниялик теннис юлдузи ҳал қилувчи финал баҳсида ATP рейтингида 12-ўринни эгаллаб турган британиялик Кэмерон Норрини икки сетда ҳам бир хил ҳисобда мағлубиятга учратди - 6/4, 6/4.

Теннисчилар кортда 1 соату 54 дақиқа ҳаракат қилишган. Бу вақт оралиғида 35 ёшли Надаль 3 та эйс, 4 та брейк-пойнт, 26 яшар Норри 4та эйс, 2 та брейкни амалга оширди. Теннисчиларнинг ўзаро учрашувларида Надаль 4:0 ҳисобида олдинда боряпти.

Abierto Mexicano Telcel турниридаги муваффақиятли иштирок Надалга 500 рейтинг очко ҳамда $314,455 мукофот пули келтирди.