Рафаэль Надаль Барселонада совринни бегона қилмади

Испаниялик теннис юлдузи ҳал қилувчи финал учрашувида рейтингда ўзидан икки поғона пастда бораётган грециялик Стефанос Циципасга қарши кортга чиқди. Уч соату 38 дақиқа давом этган драматик финалда Рафа рақибини 6/4, 6/7(6), 7/5 ҳисобларида мағлубиятга учратди. 

Учрашув давомида 34 ёшли Надаль 2 та эйс, 5 та қўшхато ва 4 та брейк-пойнтни амалга оширди. 22 ёшли Циципас эса 5 та эйс, 3 та қўшхато ҳамда 2 та брейкка эга бўлди. Теннисчиларнинг ўзаро учрашувларида Надаль катта фарқ билан олдинда бормоқда - 8:2. 

Ўз ватанидаги - Barcelona Open Banc Sabadell турниридаги муваффақиятли иштирок Рафаэль Надалга 500 рейтинг очкоси ҳамда 178,985 евро мукофот пули келтирди.