Рафаэль Надаль Денис Шаповаловнинг гапларига жавоб қайтарди

"Менга алоҳида муносабат кўрсатилмайди. Карлос Бернардесни жуда ҳурмат қилишимни ҳамма билади. У ажойиб ҳакам. Ва у ҳар доим кортда менга нисбатан қаттиқ муносабатда бўлган.

Ростини айтадиган бўлсам, "топ ўйинчилар имтиёзлардан фойдаланади" деган кенг тарқалган фикр нотўғри. Демак, Денис бу масалада ноҳақ эди.

Сўнгги икки йил ичида кортда таймер мавжуд. Ва умуман олганда, вазиятни ҳамма учун адолатли қилишга ёрдам берадиган кўплаб чоралар пайдо бўлди.

Мен Денисга ҳамдардман, чунки мағлубият билан келишиш қийин ва унга келажакда энг яхши тилакларимни тилайман. У ёш (кулади). Ҳар бир инсон ёшлигида хато қилади. Мен ҳам ёшлигимда улардан кўп хато қилганман. Балки кейинроқ у буни ўйлаб кўрар ва бугун хато қилганини тушунар",-деди Надаль.

Эслатиб ўтамиз, Шаповалов "ҳакам учрашувда Надальга ён босди" дея шикоят қилган эди.