18 апр 18:51
Янгиликлар

Теннис

Рафаэль Надаль кортдаги машғулотларга қайтди

Жаҳоннинг собиқ биринчи ракеткаси Рафаэль Надаль ижтимоий тармоқлардаги саҳифасига янги сурат жойлаштирди.

Жароҳати сабаб бир неча ҳафтани ўтказиб юборган испаниялик теннисчи тўрт ҳафталик танаффусдан сўнг илк бор кортга чиққанини айтди.

“Бугун, тўрт ҳафтадан сўнг кортда биринчи машғулотни ўтказдим. Кортга қайтиш қанчалик ажойиб!", - дея изоҳ қолдирган Надаль сурат остида.

Эслатиб ўтамиз, Надаль март ойида олган жароҳати туфайли бир неча ҳафтани ўтказиб юборишга мажбур бўлганди. 2022 йилги мавсумда испаниялик теннисчи учта турнирда, жумладан, Австралия Очиқ чемпионатида ғолиб чиқди.