16 ноя 08:05
Янгиликлар
Таэквондо
Рафалович ва Содиқова жаҳон чемпионати совриндорлари
Мексиканинг Гвадалахара шаҳри таэквондо WT бўйича катталар ўртасидаги жаҳон чемпионатига мезбонлик қилмоқда.
Нуфузли мусобақанинг иккинчи куни Ўзбекистон терма жамоаси учун омадли келди. Ҳамюртларимиздан икки нафари жаҳон чемпионатининг бронза медалига сазовор бўлди. Никита Рафалович ва Феруза Содиқова ўз вазн тоифаларида шоҳсупага кўтарилишди.
Ҳар икки вакилимиз ярим финалга қадар мағлубиятсиз етиб боришди. -87 кг вазн тоифасида даянга чиққан Никита Рафалович финал чиптаси учун асли келиб чиқиши эронлик, ҳозирда Сербия шарафини ҳимоя қилаётган Меҳди Ҳодабахшига, -62 кг вазндаги Феруза Содиқова эса грециялик Теопоула Сарванакига имкониятни бой бериб қўйди.
Ҳавола :
Манба : olamsport.com
Фикрлар