Рафиқасини ҳимоя қилган эронлик боксчи ногиронга айланди

Бу ҳақда Shargh нашри хабар берган. Ходиса апрель ойининг охирларида содир бўлган. 

Гап шундаки, боксчи ва унинг рафиқаси кўчада кетаётганида, полиция вакилларига йўлиқишади. Ҳуқуқ-тартибот идоралари ходимлари аёлни нотўғри ҳижоб кийган деб ҳисоблаб, унга тушунтириш беришади. Морадхани рафиқасини ҳимоя қилади ва натижада можаро келиб чиқади. Шунда полиция ходимлари ўз қуролларидан фойдаланиб, боксчига тўрт бор ўқ узишади.

Эр-хотин суддан воқеани текширишни сўрашган, бироқ суд уларнинг илтимосини рад этган. Шундан сўнг, улар оммавий ахборот воситаларида чиқиш орқали воқеани оммага етказишга қарор қилишди.