01 янв 08:45
Янгиликлар
Бошқалар, Футбол
Раҳматовнинг жамоаси Хитой чемпионатида кетма-кет 3та ўйинда зафар қучди
Аввал хабар берганимиздек, футзал бўйича Ўзбекистон терма жамоаси етакчиси Дилшод Раҳматов фаолиятини Хитой чемпионатида давом эттиряпти.
Кеча 2016 йилнинг сўнгги кунида футзалчимиз ўйнаётган “Дальян Пуван Анбо” клуби чемпионатнинг 3-тур учрашувида майдонга тушди. “Дальян” ўз майдонида “Шанхай” жамоасини 8:4 ҳисобида мағлубиятга учратди.
Раҳматов гарчи учрашувда фаол ҳаракат қилган бўлсада, бу сафар рақиб дарвозасини ишғол қила олмади. Бундан аввалги икки ўйинда у 3та гол киритганди.
Маълумот учун, Хитой клуби ва Раҳматов ўртасидаги келишув бир йилга мўлжалланган. Агар ҳаммаси рисоладигидек давом этса, шартнома яна бир йилга узайтирилади. Бу клуб ўтган мавсумда Хитой вице-чемпиони бўлган эди.
Ҳавола :
Манба : olamsport.com
Фикрлар