Рамазон Темиров АҚШга жўнаб кетди + ФОТО

У куни кеча АҚШ визасини олганди. Август ойида Рамазон фаолиятини UFC'да давом эттириши маълум бўлган эди. У лигадаги дебют жангини 13 октябрь куни АҚШда ташкил этиладиган UFC Fight Night турнири доирасида мезбонлар вакили Си Жей Вергарага қарши ўтказади.

Маълумот учун, Темиров ММАдаги фаолияти давомида ҳозиргача турли промоушенларда 19 та жанг ўтказиб, 17 ғалаба ва 2 мағлубият қайд этган. Си Жей Вергара эса 12 ғалаба, 5 мағлубият ва 1 дурангга эга. Вергара сўнгги жангини шу йил март ойида UFC 299 турнири доирасида қозоғистонлик Ассу Алмабаевга қарши ўтказиб, очколар ҳисобига кўра мағлуб бўлган эди.