Рамазон Темиров Исроил Мадримовнинг мағлубиятига муносабат билдирди

Саудия Арабистони пойтахти Ар-Риёд шаҳрида ташкил этилган профессионал бокс турнири доирасида чарм қўлқоп устамиз WBC Interim камари соҳиби америкалик Виржил Ортисга қарши рингга кўтарилди. Ўн икки раунд тўлиқ давом этган жангда Ортис ҳакамларнинг якдил қарори билан ғалаба қозонди.

"Боксчиларимиз орасида ҳурмат қиладиган инсонларимдан бири. Ҳеч қачон рақиб танламайдиган ва ўз устида меҳнат қиладиган боксчи. Ака, сиз ўзбек халқи учун чемпионсиз! Жуда чиройли жанг қилдингиз", - дея Мадримовнинг жангига муносабат билдирган Темиров. 

Эслатиб ўтамиз, Рамазон Темиров 2 март куни тонг саҳарда АҚШнинг Невада штати Лас-Вегас шаҳрида ўтказиладиган UFC Vegas 103 турнири доираисда ўта енгил вазн тоифаси рейтингида 15-ўринни эгаллаб турган америкалик Чарльз Жонсон билан тўқнаш келади.