Рамазон Темиров машғулотлар пайтида жароҳат олди. Бироқ унинг жанги ўз кучида

Унга ташкилотдаги илк жангида америкалик Си Жей Вергара рақиб бўлади.

Бугун тонгда Темиров ва унинг мураббийи Жасур Алижонов Америка Қўшма Штатларига учиб кетди.

Бироқ сафардан бир кун олдин Рамазоннинг машғулотлар пайтида кичик жароҳат олгани маълум бўлди. Шундай бўлса-да, спортчи жангни бекор қилмаслик қарорига келди.

Маълумот учун, Темиров ММАдаги фаолияти давомида ҳозиргача турли промоушенларда 19 та жанг ўтказиб, 17 ғалаба ва 2 мағлубият қайд этган. Си Жей Вергара эса 12 ғалаба, 5 мағлубият ва 1 дурангга эга. Вергара сўнгги жангини шу йил март ойида UFC 299 турнири доирасида қозоғистонлик Асу Алмабаевга қарши ўтказиб, очколар ҳисобига кўра мағлуб бўлган эди.