15 авг 17:07
Янгиликлар

Спорт курашлари, Бокс/ММА

Рамазон Темировнинг ACBJJ Лигасидаги дебюти 30 август куни бўлмайди

Хабар берилганидек, ўзбекистонлик UFC жангчиси Рамазон Темиров ACBJJ Лигаси билан шартнома имзолаган ва режа бўйича 30 август куни Истанбул шаҳридаги турнирда бўлиб ўтиши керак эди.

Ҳамюртимизга дебют беллашувида Буюк Британия вакили, UFC собиқ юлдузи Муҳаммад Мокаевнинг рақиб бўлиши айтилган эди. Аммо Рамазон белгиланган санада жанг ўтказмайди. Буни Темировнинг мураббийи Жасур Алижонов сайтимизга берган интервьюсида тасдиқлади.

"ACBJJ Лигаси билан тўртта жанг учун шартнома имзолаганмиз. Ҳа, режа бўйича 30 август куни Истанбулдаги турнирда қатнашишимиз керак эди. Аммо бу беллашувни кейинроққа суришга тўғри келиб қолди. Боиси, UFC бизга 24 октябрь куни Абу-Даби шаҳридаги рақамли турнир учун жанг берди. Рақиб Топ-5`дан. Ҳали музокаралар якунланмагани учун расмий маълумот бера олмайман. Рамазон БААда жанг қилишга тайёр. Рақиб жамоанинг розилигини кутяпмиз", - деди Алижонов.

Маълумот учун, Рамазон Темиров айни пайтда ўта енгил вазн тоифаси UFC рейтингида 7-ўринни эгаллаб турибди. Ундан юқорида Лонэ Кавана, Асу Алмабаев, Татсуро Таира, Брэндон Ройвал, Манель Капе ва Александр Пантожа бор. Дивизион чемпиони мьянмалик Жошуа Ван ҳисобланади.