14 май 12:24
Янгиликлар

Бокс/ММА

Рамазон Темировнинг вазнидаги чемпионлик жанги расман эълон қилинди + ПОСТЕР

Теглар : Александр Пантожа Кай Кара-Франс

Кеча тунда UFC раҳбари Дана Уайт бир нечта чемпионлик жангларини расман тасдиқлади.

Улар орасида ўта енгил вазн тоифасида амалдаги UFC чемпиони Александр Пантожа ҳам бор. Бразилиялик аралаш яккакураш устаси 28 июнь куни АҚШнинг Лас-Вегас шаҳрида ташкил этиладиган UFC 317 турнирининг co main-event жангида октагонга чиқади. Чемпионнинг рақиби кутилганидек, рейтингнинг тўртинчи поғонасида бораётган Янги Зеландия вакили Кай Кара-Франс бўлади.

Бу Пантожа учун учинчи чемпионлик ҳимоя жанги бўлади. 2023 йилнинг июль ойида у Брэндон Моренони мағлубиятга учратиб, камарни тортиб олганди. Шундан кейин 35 ёшли Александр учта муваффақиятли чемпионлик жангларини ўтказди. Брэндон Ройвал ва Стив Эрцегни очколар бўйича мағлуб этди, Кай Асакурани эса бўғиб қўйди.

32 яшар Кай Кара-Франс эса ўтган йилнинг август ойида Эрцегни техник нокаутга учратган эди. Бу билан зеландиялик жангчи Морено ва Амир Албазидан қабул қилиб олган мағлубиятлар сериясини ёпганди.

Маълумот учун, UFC 317 турнирининг асосий жанги Илия Топурия ва Чарльз Оливейра ўртасида бўлиб ўтади. Жангчилар Ислам Махачевдан вакант қолган камар учун ўзаро октагонга чиқишади.