Рақамланган UFC 316 турнирининг расмий постери намойиш этилди (ФОТО)

Prudential Center арена мезбонлик қилувчи рақамланган UFC 316 турнири ташкилотчилари ушбу мусобақанинг расмий постерини намойиш этишди. Оқшомнинг асосий жанги ўта енгил (61 кг) вазн тоифасида амалдаги UFC чемпиони, грузиялик Мераб Двалишвили ҳамда ушбу камарнинг собиқ соҳиби, америкалик Шон О’Мэлли ўртасида бўлиб ўтади.

Ёдингизда бўлса, бу икки аралаш яккакураш устасининг илк жанги ўтган йилнинг сентябрь ойида UFC 306 турнири доирасида ўтказилиб, ўшанда Двалишвили ҳакамларнинг якдил қарори билан ғалаба қозонган ҳамда О’Мэллидан чемпионлик камарини тортиб олган эди.  

UFC 316 турнирининг co-main event жанги эса аёллар ўта енгил (61 кг) вазн тоифаси чемпиони, америкалик Жулианна Пенья ҳамда унинг даъвогар ватандоши Кайла Харрисон ўртасида кечади. Бу Пенья учун илк чемпионлик ҳимоя жанги бўлади.