09 сен 11:43
Янгиликлар

Бокс/ММА

Рақибини 50 сонияда мағлуб этган Хизриев UFC жангчисига айланди

Мағлубият нималигини билмай келаётган россиянин Алиасхаб Хизриев Dana White’s Contenders Series (DWCS) турнирида октагонга кўтарилди.

АҚШнинг Невада штати Лас-Вегас шаҳрида ўтган турнир доирасида доғистонлик жангчи Энрике Шиджемотони партер ҳолатида 50 сонияда мағлубиятга учратди.

Турнир якунида шахсан UFC президенти Дэна Уайт россиялик билан шартнома имзолашини айтди: "Бундан ҳам идеал жанг ўтказишнинг имкони йўқ эди. Нимадир қўшишнинг ўзи ортиқча".

"Мен учун UFC билан шартнома имзолаш катта шараф. Интиқлик билан дебют жангини кутаман. Янги ғалабалар сари интилишда давом этаман", — деди Хизриев.