Расман: 10 июль куни Еврокубокларнинг кейинги босқичига қуръа ташланади

Маросим 10 июль, жума куни Тошкент вақти билан 15:00 да старт олади.

Хабарингиз бор, 4 жамоа аллақачон ЕЧЛнинг чорак финал босқичига йўл олишга улгурган — ПСЖ, "Аталанта", "Атлетико"   ва "РБ Лейпциг".

Мазкур босқичнинг қолган иштирокчилари 7-8 август кунлари қуйидаги жуфтликлар орасида ўтказиладиган жавоб баҳсидан кейин маълум бўлади: 

"Бавария" — "Челси" (3:0) 

"Барселона" — "Наполи" (1:1)

"Ман Сити" — "Реал" (2:1)

"Ювентус"  — "Лион" (0:1)

Маълумот учун, ЕЧЛнинг кейинги босқич баҳслари бир ўйиндан иборат бўлади ва Португалия пойтахти Лиссабон шаҳрида ўтказилади: 

1/4 финал — 12-15 август

1/2 финал — 18-19 август

финал — 23 август

Европа Лигаси 1/8 финали доирасида қолдирилган жавоб баҳслари 5-6 август кунлари ўтказилади. Ҳозирча УЕФА ушбу ўйинларни қаерда ўтказиш борасида қарор қабул қилмаган.

Алоҳида айтиш керакки, "Интер" - "Хетафе",  "Севилья" - "Рома" жуфтликлари орасидаги дастлабки ўйин ҳам ўтказилмаган, шу туфайли улар кейинги босқич масаласини нейтрал майдон (Германия)да ўтказиладиган бир учрашувда ҳал қилишлари керак.

Шунингдек, Европа Лигасининг 1/4 ва 1/2 финал босқич баҳслари 10-21 август кунлари Германияда ўтказилади.