10 мар 11:03
Янгиликлар

Дзюдо

Расман! 30 апрелгача дзюдо бўйича барча лицензион турнирлар бекор қилинди

Халқаро дзюдо федерацияси (IJF) коронавирус сабаб март ва апрель ойларида ўтказиладиган барча лицензион турнирларни бекор қилиш бўйича қарор қабул қилди.

Бироз аввал COVID-19 сабаб 13-15 март кунларига мўлжалланган Екатеринбург "Катта Дубулға" турнирининг ҳам ўтказилмаслиги ҳақида хабар берган эдик. Энди эса IJF Ижроия қўмитаси бир йўла икки ой давомида ўтказиладиган барча мусобақаларни бекор қилди.

Ҳозирча ушбу қарор 30 апрель кунигача ўз кучида қолади. Бу санага қадар Екатеринбург турниридан ташқари Тбилиси ва Анталияда ўтказиладиган Гран-при туркумидаги икки мусобақа, шунингдек қитъа чемпионатлари бор эди. Осиё чемпионати айнан апрель ойида Мўғулистонда ўтказилиши керак эди ва табиийки, бу мусобақа ҳам бекор бўлди.