16 янв 17:14
Янгиликлар

Бошқалар, Қишки спорт турлари

Расман. Афсонавий Бьорндален “Олимпиада-2018”га бормайди

Норвегиялик афсонавий биатлончи Уле-Эйнар Бьорндален келаси ой Жанубий Кореянинг Пхёнчхан шаҳрида ўтказиладиган Қишки Олимпиадада иштирок этмайди.

Бу маълумотни Норвегия Миллий олимпия қўмитаси раҳбари Туре Эвребё ҳам тасдиқлади.

“Бьорндаленнинг жаҳон Кубогидаги шахсий натижалари талаб даражасида эмас. Афсуски, у терма жамоа даражасидаги талабларни бажара олмади”, — деди Эвребё Eurosport каналига берган интервьюсида.

Эслатиб ўтамиз, Қишки олимпия ўйинлари тарихидаги энг совриндор спортчи ҳисобланган Бьорндален айни пайтда жаҳон Кубогининг бешта босқич якунларига кўра шахсий ҳисобда 42-ўринни банд этган. Унинг жорий мавсумдаги энг яхши натижаси 18-ўрин бўлиб турибди.