XXV Қишки Олимпия ўйинларининг медаллар жамғариш якуний рейтинги қандай бўлди? (Тўлиқ жадвал)

Оқ Олимпиадада спортчилар жами 116 та медаллар жамланмаси учун баҳс олиб боришди. 

Кутилганидек, Норвегия терма жамоаси медаллар жамғариш бўйича катта фарқ билан биринчи ўринни эгаллади. Скандинавияликлар медалларнинг ҳам сони, ҳам сифати бўйича таъқибчиларини сезиларли фарқ билан ортда қолдиришди. Улар 18 та олтин, 12 та кумуш, 11 та бронза, жами 41 та медаль билан ватанларига қайтадиган бўлишди. 

Норвегияликлар медаллар сони бўйича Қишки Олимпиада рекордини янгилашди. Аввалги рекорд ҳам айнан уларга тегишли эди. 2018 йилги Олимпия ўйинларида Норвегия 39 та медаль қўлга киритганди.

АҚШ терма жамоаси 12 та олтин, 12 та кумуш, 9 та бронза медали билан иккинчи ўринни эгаллади. Нидерландияликлар эса 10 та олтин, 7 та кумуш, 3 та бронза медали билан учинчи бўлишди. Кучли ўнталикдан Италия, Германия, Франция, Швеция, Швейцария, Австрия ва Япония делегациялари жой олишди. Осиё давлатлари орасида айнан Кунчиқар юрт вакиллари энг яхши натижа қайд этишди. Японияликлар 5 та олтин, 7 та кумуш, 12 та бронза, жами 24 та медаль қўлга киритишди. Медаллар сони бўйича бу бешинчи натижа!

Умуман олганда, XXV Қишки Олимпия ўйинларида 20 давлат камида 1 та олтин, 29 тасида камида битта бронза медалига эга чиқди.