09 июл 10:33
Янгиликлар
Футбол
Англия термасининг тўрт ўйинчиси Норвегия билан учрашув олдидан жамоавий машғулотни ўтказиб юборди
Бу ҳақда Х ижтимоий тармоғидаги Times Sport нашри хабар бермоқда.
Тўрт нафар футболчи — ҳимоячилар Рис Жеймс ва Марк Гехи, шунингдек, ярим ҳимоячилар Деклан Райс ва Жордан Хендерсон 8 июль куни Канзас-Ситида (АҚШ) 2026 йилги жаҳон чемпионати 1/4 финалидан ўрин олган Норвегия терма жамоасига қарши ўйин олдидан ўтказилган машғулотларда иштирок этмади.
Манбанинг маълум қилишича, Жеймс, Гехи ва Райс индивидуал дастур асосида шуғулланишган, қолган 22 нафар футболчи эса умумий гуруҳда машқ қилган. Хендерсон эса қўлидаги жарроҳлик амалиётидан сўнг тикланиш жараёнини ўтаётгани сабабли машғулотда қатнашмаган.
25 ёшли Гехи турнирда бешта ўйин ўтказди, 26 ёшли Жеймс ҳисобида тўртта учрашув бор, 27 ёшли Райс ҳам тўртта баҳсда майдонга тушиб, битта голли узатмани амалга оширди.
Ҳавола :
Фикрлар